Терроризма духьала къовсам лоаттабарах дувцаш, кхетаче дӀайихьар МагӀалбике
28.08.2025 12:07
МагӀалбикерча администраце дийцар терроризм яхача доккхача зулама духьала лоаттабе безача къовсамах. Россе ОФСИН болхлоша вӀашагӀъелла яр кхетаче. Цига дакъа лоацаш бар моттигерча администраце болхлой, дийша нах, иштта кхыбараш а.
«Ӏаьдала бокъонаш лораяр дар дийцарашта эггара керте оттадаьр. Бахархошта юкъе терроризм яхача зулама духьала латтараш доаржадеш болх дӀакхахьа безилга белгалдир гулбеннараша. Иштта чӀоагӀа лоархӀаме да, хӀара дезала юкъе даьша, ноаноша из мел харцахьа, бӀеха, сага ираз доадеш никъ ба хьалхадоахаш, шоай бераш кхедар», - дийцар «Сердалога» шахьара администраце.
Гулбеннараша белгалдир, иштта йола кхетаченаш тахан эшаш, пайда беш йолга.
