«ЦаI йола Росси» яхача партеца бувзам лелабеш хургья мехкара профсоюзаш
Видеокхетаче дIайихьар Магасе «ЦаI йолча Россе» партеца бувзам чIоагIбеш, Шоай лоIамерча Профсоюзий Федераце. Из хоам «Сердалога» бир мехкарча СООП.
Цу кхетаче дакъа лоацаш бар ФНПР кулгалдеш вола Черногаев Сергей, профсюзий моттигашкара кулгалхой, иштта кхыбола цу оагIонцара къахьегамхой. Кхетаче белгалдир, саькура бетта 20-гIа ди кхачалехь; Халкъа Гуллама, Паччахьалкхен Дума депутаташ болаш; моттигерча оагIонцара бартчIоагIо оттаярах, иштта Лакхерча партийни ишколе деша баьгIараш, юкъарлон оагIонцарча моттигашкара доакъашхой хила беза цига.
Хоржама штабашца профсоюзни моттигаша бувзам лелабарах дийцар цига, цхьана дIаяхьа лерхIача проектий, кхетачений ханорг оттадир цига. ГIалгIай мехкара профсоюзаш керттерча моттигий хьала терко е лерхIаш я (50-гара 200-га кхоачаш, кхы дукхагIа а).
ЛаьрххIа болх ба цу оагIонца дIабахьа безар. Технологически оагIонга диллача, партийни, профсоюзни ИТ-кхоачам юкъелаца лерхI, масала, «Мобилизаци» яха хоамий оагIув.
Къахьегама тоабашца, дехараш гулдеш, иштта кхыдараш теркалдеш болх дIахьоргба.
Черногаев Сергейс белгалдир, оттаяь чIоагIо профсоюзашца, партеца хувцамаш юкъедоаладеш йолга.
«Цун декхар - цкъа доаржадеш дола боламаш дац, къахьегама оагIонцара бокъонаш, вахара-экономически хьалаца дувзаденнараш, иштта кхыдола лоархIамедараш хьаллацар да», - аьлар Черногаев Сергейс.
