«Хоамий гуллам» яха хьаькъал кӏоаргду сахьат дӏадихьар Заьзгакъонгий-Юрта
Хоамий дунен халкъашта юкъера ди долаш, Заьзгакъонгий-Юртарча культуран цӏагӏа хилар кхетам лакхбеш дола цхьанкхетар – «Хоамий гуллам» яха, хьаькъал лакхду сахьат. Кхетаче хетаяь яр кагирхошта гонахьарча дуненах дукхагӏа дувзийтара а вай заман хоамий технологеш миштай хайтара а.
«Вӏашагӏкхетар дӏахьош яр Россе журналистий Союза доакъашхо, медиабувзамаш дика довзаш йола Чаненаькъан Тамара. Цхьанкхетара доазонашка цо йовзийтар «Хоамий эргадалар: маханически гӏирсаш хьахилале денз таханарча медиазаманга кхаччалца» яха лекци. Кагирхошта дайзар, адамле хьахилча денз хоамаш дӏа мишта даржаш хиннад, хьалхарча массехк суртагара дӏадоладенна тӏехьарча таьрахьий технологешка кхаччалца», - дийцар газетага кхетаче вӏашагӏъеллараша.
Дукха хӏама довзийташ йолча цу моттиго таро хилийтар кагирхой, хӏанзарча техниках шоашта фу хов хьажа а хоамий технологеш мишта йовз ха а. Дешархоша боккхача салоӏамца жоп лора увттадеча хаттарашта, довзар хоамаш кийчдарах а дӏахо наха юкъе доарждадарах а хӏанзалца шоашта цадайзар.
Кхетачен къонача доакъашхошта мах бола кердадараш дайзар бувзама наькъех, хоамаш чулоацамга хьежжа декъарах а медиа болх дӏабахьарах а.
