Наькъашкара бокъонаш цӀенхаштта телхаеш волчунна духьала гӀулакх хьадийллар
Наькъашкара бокъонаш лархӀа безам боацаш лелачунна духьала, гӀулакх хьадийллар МВД болхлоша. Из хоам «Сердалога» бир Ӏаьдала болхлоша.
«Наьсарерча Базорканаькъан цӀерах йолча проспекта тӀа «ВАЗ-1099» яха машин соцайир Россе ОГИБДД ОМВД къахьегамхочо. ДӀабихьача балхо гучадаьккхар, из саг корта бохабу малар менна волга. ДӀахо баьча тохкамо хьахьекхар, саг лозавеш, хьалха авари яь из волга.
Иштта Магаса кхален судо бехк бир цунна, корта бохабу малар менна, машин хехкаш леларах. 250 сахьата Ӏаьдала болх бергба цо; цул совгӀа, кхаь шера машина ко лаца йиш йоацаш, каьхаташ дӀадаьхар цунгара», - белгалдир МВД.
Ховш да, корта бохабеча маларах волаш машин хахка араваьннар гонахьа мел леларашта кхераме волга. Зуламхочун машин Ӏаьдалга я тахан, республикера аравала йиш йоацаш бокъо йийхкай цунна.
