Кавказа инвестицей кхетаче дийцар, шоай доалахьара къахьегам лелабераш хьаллацарах
Кавказа инвестицей кхетаче, ПСБ дӀайихьар «Финансови технологеш, зӀамига, юкъера хIама хьадар: йоккхача малхбоален экономика дегӀаяра лаьрхӀачунга кхачара синергия» Къамаьлдеш хилар ПСБ арахьарча бувзамий кулгалхо, йоккхагӀа йола вице-президент Подгузова Вера.
Цо белгалдир, экономически дегӀадара эшаш дар - наха ахчанцара хьал лерттӀа леладе ховш хилар да, из леладе ховш хиларах тийша дукха да, цо мара таро хулийтаргьяц экономически хьал а ахчанцара аьттув а лорабе.
«Кавказе МСП дегӀаяр хӀанз укх сахьате хӀара куран тIа 5% я, дукхагӀча даькъе паччахьалкхено новкъостал лоаттаду цунна.
Бакъда наха ахчанцара хьал нийса леладе ховш хиларах тийша да, мохк дӀахо дегӀабар»,- аьлар Подгузовас.
Сессе дакъа лоацаш хилар; Нохчий Республикан Паччахьалкхен, Россе Банка, МСП Корпорацен, Кавказ Россе КӀийлен викалаш. Къамаьл дувцаш, доакъашхоша балха моттигаш хьакхолларах, инновацей болх дегӀабоалабарах, хIама хьадерий хьашташ хьаллацарах хьоахадир, иштта белгалйир дика дегӀадоагӀаш дола доакъош, царна юкъе агропромышленни комплекс, туризм, гӀишлошъяр, иштта кхы дуккхадараш а.
