«Геттара сиха дӀакхача везача сага фецара кема хорж, бакъда цӀермашинаца беш бола никъ цхьаккха хӀаманга кхоачаргбац. Дукха хӀама гу хьона, корах арахьежаш, бӀаьха никъ ийца водаш, тайп-тайпара нах бовз. Масса йодача цӀермашина татаца дуккхача хӀамай уйла еш цхьа чӀоагӀа тамашийна хоза хьал хул дегага», - дийцар Магасерча вахархочо.

40% нах плацкартаца никъ бе ловш ба, хӀана аьлча цу чу дукха керда нах бовз, сакъердаме хул.

ХӀаьта 30% бахархошта шоай машинашца никъ бе лов. Хьай хӀаман да хье ва хьо, цунга хьежжа миччахьа юхасаца йиш я.

90% мехкахой, моллагӀа йолча станце Ӏо баьнна, цигара вахара хьал, наьха оамалаш йовза ловш ба.