Ше хьаллацарах, тешарах, Россерча наха баркал аьлар Путина
Хоржамаш долаш ше хьаллацарах, шийна тӀехьа хиларах, Россе бахархошта доккха баркал аьлар Путин Владимира; РФ Президент хилар шийна тӀехьа дӀачӀоагӀдеча дийнахьа. Иштта сий деча дешашца хьоахабир цо мехка турпалхой, тӀема операцен доакъашхой.
«Хьамсара Россера нах, хьамсара новкъостий, президент хилар сайна тӀехьа чӀоагӀдеча укх лоархӀамеча дийнахьа Россе массайолча моттигашкарча наха доккха баркал ала лов сона! ХӀанз со лув Россе хӀара вахархочунга, сона тӀехьа хиларах, со хьаллацарах, баркал хилда шоана!» - аьлар Путина, ший къамаьла юкъе.
РФ хьалхалаттачо теркалдир, эггара керттерча аргӀагӀа боккхача мехко кхоачашде деза гӀулакхаш, лоархӀамехдараш.
Россе бахархошта дош делар цо; мехка хьал тоаде, паччахьалкхен гӀулакх лакхача лагӀа тӀа даккха шийна мел могар деш латтаргва дӀахо дӀайодача хана а, аьнна.
