Россе чемпионатера ялх майдилг ера вай кулгаш гӀертадераша
21.04.2025 09:24
ХӀара шера дӀакхухьаш йолча кулгаш гӀертадарах йолча Россе яхьашкара, пхи майдилг яхьаш баьхкар вай спортсменаш. Россе 58 моттигера 450 совгӀа спортсмен вар ше-ше котвала гӀерташ хиннараш. Из хоам «Сердалога» бир Минспорте.
«Лакхарча лагӀа тӀа ваьнна белгалваьлар Орёл яхача шахьаре Тиймарзанаькъан ИбрахӀим. 90 кг барашта юкъе ший низ гойташ хилар из. 110 кг дозал дарашта юкъе дото, борза ши майдилг яьккхар Баркинхой Адама, хӀаьта 100 кг йолчарна юкъе кхоалагӀа хилар Янданаькъан Саварбик», - йоах тхога бенача хоамо.
Орёл яхача шахьар тӀа дӀайихьача яхьашка хьалхара, шоллагӀа моттигаш яьхараш Болгаре дӀаяхьа лерхӀача дунен яхьашка дакъа лаца йиш йолаш хургба.
