ГӀалгӀайчен культуран цӀеной болхлоша цӀай санна дӀадихьар хоржамаш
10.09.2023 19:25
ГӀалгӀайчен мел йолча культурни-салаӀара моттигаша дикка дакъа юкъедихьар хоржамаш даьча денна, Ӏуйрийна денз цар викалаш мехка хоржамаш дӀахьоча баха хилар. ГӀалгӀайчен бахархой, муниципальни даькъ тӀа хоржамашка хьа мел венар, концертни программага хьажа таро йолаш хилар.
«ГӀалгӀайчен цӀихезача артисткас Алхой Заирас, Наьсарен кхален культура ЦӀен иллиалархой, республикан халкъа артиста Хулаганаькъан Артура хьийха Меданаькъан Танзила, Кусенаькъан Амина кхадж тасса баьхкарашта хьалхашка Эккажкъонгий-Юртарча № 3 йолча ишколерча № 722 йолча хоржамий даькъ тӀа шоай концертни программа гойташ хилар. Из программа дӀахьош хиннар вар Хулаганаькъан Артур», — аьлар «Сердало» газетага Наьсарен кхален культуран цӀагӀа.
ГӀалгӀайчен Шолжа кхален Чамалхарча культуран цӀагӀа Ӏомалуш долча бераша к хоза концертни программа гойтар цига кхадж тоссаш хиннача вай республикан бахархошта. Гулбеннараш юкъебоахар хозача ловзара, иштта иллешца, ашарашца наьха самукъадоаккхар. Из доацаш а, культуран цӀен болхлоша къаман даараш тӀадола истолаш оттадаьдар, из бӀарчча ди йистедаллалца, нах безаме тӀаэцаш а хилар уж.
