«Георгиевски зиг» яха болам дӀабихьар «Сердало» яхача кепайоазон цӀен болхлоша
10.05.2025 13:47
Коталон 80 шу дизар хьаллаца арабаьлар «Сердало» яхача кепайоазон цӀен къахьегамхой. «Георгиевски зиг» яха болам дӀабихьар цар Наьсаре.
ТӀема котало гаргайоалаеш, гитлер яхача бӀехача сага бӀухой наькъаш тедаш, вай лаьтташкара уж лирача тӀемаца арабоахаш, лаьттараш дагабохийт цу гӀулакхо.
Берашта, боккхийчарна, кагирхошта уж зигаш дӀадекъаш, лийлар «Сердало» болхлой, шахьара урамашка гӀолла. 50 совгӀа саг чулаьцар цу боламо. ТӀема юкъе фашист вохавеш лаьттача шоай гаргарча наьха цӀераш йоахаш, тӀема истори шоашта довзилга белгалдеш, доккхача цӀайца дог ловзаш бар мехкахой.
Теркалде деза, вай бахархой боккхача тӀема истори дагалоаттадеш, котало гаргайоалаеш, тӀема аренашка чакхбаьннарий цӀераш йовзаш, цар сий деш болга.
