Лорашка чакхбоалаш хилар тахан, «Сердало» яхача кепайоазон цӀен болхлой
07.05.2025 13:01
Шахьарерча поликлинико дӀахьоча, бахархой могашал тохкача гӀулакха юкъе дакъа лаца аьттув хилар тахан Ӏуйран «Сердало» къахьегамхой.
Редакце баьхка хилар УЗИ йоаккха лор, маммолог, гинеколог, иштта кхыбола лораш. Болхлой дегӀацара холестерин, шекар дусташ, цӀий лакха-лоха дий хьожаш, сатураци теркалъеш хилар уж. ДегӀаца шоай саготдеча хӀамах лорашца дагабала йиш яр кепайоазон болхлой.
«Балха тӀеравувлаш, дарбанче аха аьттув хилац массахана. Иштта лораш хьабаьхка, дегӀа хьал тохкаш хилар боарам боацаш доккха, дика гӀулакх да. Тхо дерригаш чӀоагӀа раьза долаш, баркал оалаш да цу беркатеча наха», - аьлар «Сердало» кулгалхочо Курскенаькъан Хадижата.
