Къахьегамхошца гIулакх боаггIача боараме леладе Iомабергба балха дай
Наха болх лоаттаберашта шоай гIулакх боаггIача боараме мишта тоаде деза хьехаргда, укх бетта 12-ча дийнахьа, Магасерча таьрахьашца дувзаденнараш доаржадарах йолча моттиге дIаяхьа лерхIача кхетаче. Из хоам «Сердалога» цу моттигера бир.
«Ишкол 21» яхача моттиге нийсса диъ даьлча гуллургба бизнесменаш, йоккха йоацача шахьарашкара юкъарлен оагIонцара болхлой, иштта кхыбараш а. Бизнесмен, СББК гIишлон компанена, «Джигит» яхача парикмахерскешта, «ВIашагIкхетара моттиг» кафешта, кофейнена доал деш волча Кхоартой ИбрахIимо боккха болх дIахьош ше теркалдаьрех, шаьрдаьрех дувцаргда цу кхетаче. Цхьацца хIама леладе безам барашта боккха пайда беш хургья из моттиг», - йоах тхога бенача хоамо.
ИТ е цун гарга йолча оагIонца, бизнесаца, дешарца, Iилманца дувзаденнараш чулоацаш хургья Говзанч.Хаб проектага гIолла дIахьош йола из лоархIаме кхетаче.
