Берда-Юрта бюджета ахча даарах, дӀахьош хинна тохкама болх чакхбаьлар
Шолжа кхале йистебаьлар Берда-Юртарча администраце кулгалхочунна духьала хьадийлла уголовни гӀулакх тохкаш беш хинна болх, из бехке ву ший балха моттиге хила везача беса цахиларах, яхаш, хоам бу «Сердало» газетага мехка СК.
2019-ча шера администрацена, коммерчески организацена юкъе контракт чӀоагӀйир, 4 миллион мах болаш, зӀамигача футбола майда хьалъе. Бакъда балхаш дерригаш а йистедаханзар. Цунга хьежжа доацаш, администраце кулгалхочо каьхаташта кулг яздир, уж балхаш йистедаьннад аьнна.
Цунца дувзаденна, коммерчески компане кулгалхочунга бокъонах доацаш кхаьчар миллион совгӀа бюджетера ахча. Цу тӀагӀолла моттигерча Ӏаьдалах бола тешам байра, бахархой бокъонаш телхайир.
Из гӀулакх тахка доладир ФСБ, прокуратуран болхлоша, тӀахьожама болх дӀабихьачул тӀехьагӀа. Тохкам баьчар цу хьакъехьа тешал ду хоамаш гулдаьд, гӀулакх суде дӀачуденнад.
Иштта къаьстта суде дӀадахьийтад уголовни гӀулакх компане кулгалхочунна духьала а, из бехке ву дукхача ахчанца дувзаденна зулам дарах.
