ТАСС 120 шу дизара хетадаь «ЛоархӀаме къамаьл» хилар мехкарча ишколашка
Ишколашкара «ЛоархӀаме къамаьл» ТАСС 120 шу дизара хетадир вай мехка. Россе хоамий оагӀон истори довза чам болаш хилар бераш.
«Ше болх беча 120 шера, Россе эггара нийсагӀа дола хоамаш бахархошта дӀадовзийташ хьабоагӀа из оагӀув. Паччахьалкхен эггара керттера болча хоамий оагӀоно хьабена никъ байзар дешархошта. Хоамий оагӀонашка лоархӀаме да, хоам мичахьара, хьангара боагӀа тахкар, бакъдар мара нахага дӀацакхачийтар», - дийцар «Сердалога» дешареи Ӏилмани гӀулакхех йолча министерствон зарбан болх лелабераша.
«ЛоархӀамеча къамаьло» дешархошта хьалхадаьккхар, моллагӀа хоам эггара хьалха тахка безилга. Хезар бакъдий тахкаро дуккхача хӀамаех кӀалхарвоаккх саг.
Харц, бакъдоаца хоамаш доаржадераш дукха болча таханарча хана, геттара лоархӀаме да из гӀулакх.
