Вахара бувзамий редактора Акатова Марияс Магасе лекци йийшар
ШоллагӀча дийнахьа а кхы кӀезигӀа доацаш, безам тӀабодаш хилар халкъашта юкъерча RT телеканала (Росси тахан) Медиаишкола викало дӀахьош бола болх, цига ладувгӀаш хиннарашта. Таьрахьий дегӀадара Академе лекци дӀайихьар Ruptly видеоагентства вахара бувзамий редактора Акатова Марияс, яхаш, дийцар «Сердало» газетага цу моттиге.
«Ше «ТАСС-Аудио балха тӀа, Парламентски телевидене, Ruptly видеоагентстве болх беш Ӏоаяьча йоккхача балха говзалца, Акатова Марияс къоастабир видеосъемкаш яхара даькъ тӀара массехк никъ. Иштта ладувгӀа баьхкарашта дийцар вертикальни оалача видео оагӀонех, уж хӀара майдан тӀа тайп-тайпара яха езаш хиларах, хьалхара саг дӀаязвар мишта хила деза», - аьлар хоамо.
Бувзама гӀирсашкара вахара хьал дӀа а лоархӀаш, интернет-даькъ тӀа дукха нах хьожаш хургйолча тайпара балха оагӀонаш хилийтара дола хьалаш техкар.
Цо яхачох, видео тӀа дуллаш дола йоазув дӀаоалаш дар дика къоастадеш, цул совгӀа дег чура дешаш хила деза.
