Газаца дувзаденнарех дийцар республикерча штабе
Энергетиках, ЖКХ оагӀонцарча балхах йолча министерствон кулгалхочун гӀонча волча Чопанаькъан Муслима кулгал деш, газаца дувзаденнача гӀулакхех дувцаш кхетаче дӀайихьар вай мехка. Из хоам «Сердалога» бир «Газпрома Наьсарера газ дӀа-хьа хьежаяр» АО яхача оагӀон болхлоша.
«Цу лоархӀамеча кхетаче дакъа лоацаш хилар «Газпрома газификаце» ООО экономикахи ахчанцарча гӀулакхехи болча оагӀон кулгалхочун гӀонча Затонских Анатолий, «Газпрома газификаце» ООО яхача газ чуюллача моттига кулгал ду Кочергин Михаил, «Газпрома Наьсаре оалача межрегионгаза» ООО, «Газпрома газ Наьсаре дӀа-хьа хьожаяр» яхача АО хьалха латта Лаьнанаькъан Элберд, иштта цу мугӀарера болх лелабу хьакимаш», - йоах хоамо.
2021-ча, 2025-ча шерашка газаца дувзаденна балхаш кхоачашдарах йолча программех дийцар кхетаче. Иштта къоастам бир, газ чуюллаш мел ха йоаккхаргья. Карарча хана газ чуйилларца ювзаеннача программага гӀолла 1200 дехар да бахархоша чуденнараш, 1100 совгӀа лаьттан доазонаш тӀа газ дӀатӀайихьай, 641 дезалий шоай вахара хьал аттачахьа даккха аьттув баьннаб - Ӏалама газ я цар йоагаер.
«Газ чуйилларах йолча программага гӀолла ГРС ТӀой-Юрти ГРС Наьсареи хотташ газа лини йиллай оаха. Бахархой хьал аттачахьа доаккхаш да из гӀулакх тахан»,- белгалдир Лаьнанаькъан Элберда.
