ИнгГУ кулгалхо Ӏалбаканаькъан Фатима ректорий Российски союза съезде дакъа лоацаш я
04.07.2024 15:13
МГУ Ломоносовски гӀишлон чу, укх сахьаташка дӀахьош я хьалхале лелаеча российски университетий кулгалхой кхетаче.
Дувца оттадаь дешаш да: Россе суверинитет, Ӏилма-технологически оагӀонаш, къаман дешар, иштта Российски ректорий союза болх халкъашта юкъерча Ӏилман-дешара даькъ тӀа дегӀабоалабар.
Цул совгӀа цига дувцаргда университеташ малагӀча лагӀа тӀа латт, Даьхе езаш, бехктокхаме болаш, нах кхебар.
Съезде дакъа лоацаш ва Россе Президента гӀонча Фурсенко Андрей; Россе Паччахьлкхен Председатела гӀонча Чернышенко Дмитрий; лакхарча дешара, Ӏилман министр Фальков Валерий; Российски академе президент Красников Геннадий.
Российски ректорий союз мехка юкъара моттиг я, цунна чувоагӀаш ва 700 ректор, РФ лакхарча дешара моттигий президенташ.
