«Таханарча заман геополитически хьалаша дӀадех вайна хьалхашка латташ дола декхараш кхыча тайпара кхоачашдар, цу гӀулакха беррига низ тӀабахийтар. Из хьал къаьстта лоархӀаме хилар а цунна терко лоаттаеш хила везилга а белгалдир вай Президента Владимир Владимировича, ше Федеральни Гулламга Кхайкарал деш. Цо тӀадиллача декхарах, тахан пхиъ керда къаман проект я кийчъеш, царна юкъе - «Болхлой» яха къаман проект а йолаш.

Из лаьрхӀа я дешара моттигаша шоайла айхха бувзам лелабара, цунна юкъейоагӀаш я ишколаш, колледжаш, вузаш, хьехамчий болх, лакха говзал йола хьехархой кийчбар», - аьлар ше къамаьл деш Къилбаседа Кавказа лакхарча дешара ректорашка Чайка Юре.

Кхетаче дӀахьош, белгалдир таханарча кагирхошца лаьрххӀа бола кхетам балара болх дӀабахьа безаш хилар, из тӀаберзабаь хила беза воча наькъ тӀа уж баргбоацаш, кагирхошта юкъера бувзам чӀоагӀбергболаш, дика Ӏадаташ хьаллоацаш уж хургболаш. Кхетачен доакъашхоша иштта хьоахадир таханарча кагирхошта юкъе экстремизмаца къовсам лоаттабара хьал, иштта белгалдир царна лерттӀа кхетам балара дешара моттигаша малагӀа дакъа юкъедахьа деза, къонача тӀехьенна беш бола хьехам доккха дакъа дӀалоацаш хилар.

Къилбаседа Кавказа федеральни даькъ тӀарча лакхарча дешара ректорий Совет вӀашагӀъеллай 2012 шера Къилбаседа Кавказа федеральни даькъ тӀа, РФ президента викала хьалхадаккхарца. Ше йолча мехкарча ерригача лакхача дешара моттигашкара болх вӀашагӀболлара лаьрхӀа я из.