«Маьт-Сели» яхача фестивала доакъашхой белгалбир ИнгГУ ректора
25.08.2025 16:09
ИнгГУ ректорца, регионерча Эрсий географически оагӀон хьалха латтача Ӏалбаканаькъан Фатимайца кхетаче дӀайихьар мехкарча университете. Кхетаче йоккха терко тӀаяхийтар кагирхошта юкъе географически оагӀонцара кхетам лакхбара, иштта Ӏаламца, истореца, культураца, Ӏадаташца дувзаденнараш довзара, тахкара тӀехьа кхувш латтараш тӀахьехара.
«Кхетаче белгалбир лоаман моттигашка дӀайихьача «Маьт-Сели» яхача фестивала доакъашхой. Эрсий географически оагӀон 180 шу дизара хетаяь яр из кхетаче. Ректора ше делар царна совгӀаташ, цар дӀабихьа болх лоархӀаме болга теркалдеш», - дийцар «Сердалога» университете.
Географически оагӀонцара тохкамаш дӀакхахьар вай къаман вахаре лоархӀаме да, цунга хьежжа ма хулла дукхагӀа кагирхой цу юкъе чуозаш хила деза вай.
