ГӀалгӀайчен кулгаговзал йолча наха СВО дезалашта лаьрхӀа говзанч-хьехам дӀахьоргба
28.11.2024 11:41
ГӀалгӀай Республикан кулгаговзал йолча наьха цхьанкхетаро Шолжа-Шахьаре говзанч-хьехам дӀахьоргба ЛаьрххӀача операце бӀухошта, цар гаргарча наха лаьрхӀа, яхаш, дийцар «Сердало» газетага из болх вӀашагӀбеллараша.
«Цига дакъа лаца йиш йолаш ба тӀема бӀухой меттел, ГӀалгӀайчен мугӀарера бахархой а. Массаболча доакъашхой го йиш хургья яхьаш, говзанч-хьехамаш, исбахьален балхаш», - аьлар хоамо.
Из кхетаче дӀахьош я «Дезалера салоӀам» яхача Галай Хьавай проекта чуйоагӀаш, карарча шера из хьаллаьцар «ТӀаргим» яхача Ерригроссийски боламо.
Автора лаьрхӀачох, цу салоӀама гӀулакха цар юкъебоахаргба ЛаьрххӀача операце доакъашхой. Цу тайпарча юкъарча балхо новкъостал дергда хиннача бӀухошта вахара даькъ тӀа меттаотта.
