«Кхетам балара керда духлохам» яхача преме дакъа лоацаш бар вай мохк
ӏV-ча Ерригача Россе моттигашка хьаллоацаш йолча «Кхетама оагӏонцара керда духлохам» яхача берий преме дакъа лоацаш яр вай мехкахо. Лайчиллан бетта 25-ча денгара 27-ча денга кхаччалца, дӏахьош хилар из Москве. «Сердалога» из хоам бир «Бералла наькъаш» яхача проекта болхлочо, Коазой Миланас.
«Тайп-тайпарча моттигашкара гулбеннача ишколай кулгалхой гӏончаша, берий тохкама оагӏонцарча моттига болхлоша, «Бералла наькъаш» яхача проекта доакъашхоша бӏарччача кӏира гойтар проекташ йоаржаяра, моллагӏа хӏама нийсача, аттача даккхара болх шоаш мишта дӏакхухь.
Вай мехкара цига яха хилар Магӏалбикерча № 3 йолча ишкола кулгалхочун гӏонча йола Кхоартой Дина, дешархо Чиймарзанаькъан Амина. Федеральни оагӏонна вай мохк дӏабовзийташ, къахьийгар цар цига», - йоах тхога бенача хоамо.
