ГӏалгӀайчено ший СВО бӀухой йоакхо ю

ГӏалгӀай Республико йоакхо ю, Украине дӀахьош йолча ЛаьрххӀача тӀема операце бӀухой. Кхоана эшаш мел яр: техника, дӀа-юха лелара дола хьалаш, кхачан даараш бӀухошта дӀакхоачаргда, мехка хьашташ кхоачашдеш, Херсонскии Запорожскии областашка, иштта Донецка, Луганска доазонаш тӀа латтачарна, яхаш, дийцар «Сердало» газетага «Бакъдолчунна тӀехьа» яхача ганза филиала зарбан болх лелабераша.
«Из болх вӀашагӀбеллаб «Деррига а коталонна» яхача Халкъа фронта болама чудоагӀаш. Мухь дӀакхачийтара лоархӀаме декхар тӀадиллад «Бакъдолчунна тӀехьа» яхача ганза кулгалхочунна Ховтанаькъан Рамзана, иштта НФ моттигерча исполкома кулгалхочун Тӏонганаькъан Башира. ГӏалгӀай Республике гӀолла йолча чурча гӀулакхий Министерствос, бӀухоша дехарах, йиъ миччахьа гӀолла чакхйоалаш йола мотоцикл йохьийт, биъ генератор, кхоъ лотор деш йола аппарат, баьцаш дӀахьокхаш дола херхаш, къайлаваккхара дола цхаралаш, ремонт яра дола гӀирсаш дохьийт», - аьлар хоамо.
Цул совгӀа, 13 тонн молаш дола хий, кхачан даараш дахьийтар лаьрххӀача операце доакъашхошта моттигерча СВО доакъашхошта новкъостал лоаттадара йолча ганзо. Цо дерригача гумманитарни новкъосталах доагӀаш дола ахча дӀаделар шийгара.