«Вахар бахьан долаш» яха болам хьаллаьцар республикерча цӀий дӀачуийдеча моттиго
25.12.2024 12:15
Ерригача Россе дӀахьош бола «Вахар бахьан долаш» яха болам хьаллаьцар вай республикерча цӀий дӀачуийдеча моттиго. Укх бетта 23-ча денгара 27-ча денга кхаччалца, дӀахьош ба из болх. Из хоам «Сердалога» бир цӀий, тӀехка тӀум дӀачутелара нах тӀахьехаш болх дӀакхухьаш йолча Хамхой Лидас. Цу гӀулакха хьалхаэттар я РФ Юкъарча палата нийса лостам тела кхел», - йоах тхога кхаьчача хоамо.
Шолжа шахьарерча МЧС колледжа студенташ гулбеннаб цӀий дӀачудала. Массахана из беркате гӀулакх хьаллоацаш, цу юкъе болаш дӀабаха лаьрхӀа ба уж.
«Кагирхой гулбеннаб могаш боацарашта гӀо де. Дика гӀулакхаш доаржадеш хиларо гаргаоазаргда вай, дунен хӀама а тоадергда», - аьлар Тоачанаькъан Беслана.
