Республикан «Кванториум» яхача технопарко «Инженерни каникулаш» йолаю
Республикан «Кванториум» яхача берий технопарка, аьтинга бетта 2-ча дийнахьа дIайолаю «Инженерни каникулаш», 11-ча классашка дешаш болчарна лаьрхIа, яхаш, хоам бу «Сердало» газетага дешара моттига администратора Налганаькъан Мадинас.
«Юха а 8 шу совгIа даьннача берий таро хургья технопарка ворхI оагIорахьара балха моттигаш йовза. Шин кIира, дешархошта йовзаргья теоритически а практически а балха говзалаш, хьалаш, робоквантум- вIашагIйоллара, программировани яра хьал, IТ-квантум, аэроквантум- квадрокоптераш лелаяр, программированеца лелаю электроника, ингалсий мотт, жIакаш, хайтек-3D моделировани яр, прототипировани яр», - аьлар хоамо.
Цунца цхьана, технопарке дукхача хана денз Iомалуш болчарна, хьехархоша Iомае дешара чоалханегIа, кIоаргагIа йола программа кийчъяьй.
Дикача гIулакхашца йистейоаккхаргья смена - ярмаркаца, из дIахьош дешархоша шоай ахча - квантоинаш (Кванториума чура валюта), хайтек-цехе хьадаьча гIирсех дохкаргда.
