Магасерча технопарко дешархошца тайп-тайпарча балхех дувц
06.11.2025 10:49
Магасерча «Кванториум» яхача технопаркерча дешархошца, цар малагIа говзал Iомае лаьрхIад тохкаш болх дIабихьар. Дешархой, дийша баьнна дIабахараш, вIашагIкхийтар цига. «Сердалога» из хоам цу моттигера бир.
«Москверча Бауман Н.Э. цIерах йолча паччахьалкхен технически университета дешархоша Далганаькъан Джабраила, Хьулахой Бахьаудина дийцар технопарке шоаш дешаш хиннача деноех, дог ураоттадеш гIо деш лаьттача хьехархоех. Цар белгалдир, инженерни проекташца болх бе шоаш технопарке Iомабаьлга», - цу тайпара хоам бу «Сердалога».
Дешархошца Iадика ювцаш, хьинарца, безамца къахьегара тIахьийхар цар уж, хIаьта бераш чIоагIа раьза долаш дар боккхагIчар шоай кхетама лоархIамедараш гучадаьха.
