Жӏайрахьарча дарбанче дегӏа могашал меттаоттаеш, хургба СВО доакъашхочун дай
СВО доакъашхочун дай Жӏайрахьарча дарбанче дегӏа могашал меттаоттае бахийта вӏаштӏехьадоаккхаш, кхийстар «Даьхен лорбой» яхача ганза болхлой. Из хоам «Сердалога» бир цу моттигера. ӏарапханаькъан Мухьмад вар цу гӏулакха лийнар.
Тахан Украинерча тӏема операцена юкъе болча бӏухой дай Къоастой Лом-ӏаьла, Хьаьшанаькъан Руслан лоаман хозача моттиге уллача дарбанче шоай дегӏа хьал меттаоттадеш хургба, цу гӏулакха эшаш мел дола каьхаташ ганза болхлочо гулдаь дӏачуденнад.
Ганза кулгалхочун гӏонча йолча Джанхотанаькъан Мадинас белгалдир, унахцӏенон хьалага хьажар эггара лоархӏамеча гӏулакхех долга, цул совгӏа, бӏухошка хьожаш санна, цар цӏагӏарча нахага хьожаш а могаш дола гӏо лоаттаду шоаш.
Къоастой Лом-ӏаьла пенсе ваххалца воккхагӏвола участкови волаш, милице майор хиллалца къахьийгарех ва, хӏаьта Хьашанаькъан Руслан 30 шу совгӏа хьун боахам лорабеш хиннав, тахан пенсе ваха ва.
