ГӏалгӀайчен росгвардейцаш шоай балха цӀай дездеш ба
Хӏара шера, тушола бетта 27-ча дийнахьа РФ къаман гварде бӀун Ди белгалдеш да.
Тахан вневедомственни доаца ха лоархӀаме декхараш кхоачашдеш да, ГӏалгӀайчен бахархой вахар лораду, мехка герзаш, наркотикаш чукхухьаргйоацаш бола болх дӀахьу.
Уж ден-бус ха тӀа латт, росгвардейций хьехамаш деча балхо къаьстта дола дакъа дӀалоац, цар дӀахьу студенташца, дешархошца вахара кхераме хьалаш юстардоахаш бола болх.
Вай бӀухоша лерттӀа дӀахьу шоай болх республикан доазон тӀа санна, ЛаьрххӀа операци дӀахьоча даькъ тӀа а.
Укх белггала долча дийнахьа кхайкарал де безам бар са Росгварде урхалленга, цунна чудоагӀача доакъошка, диканца ловца боаккхаш. Оаха а, «Сердало» яхача Кепайоазон цӀен болхлоша, цу балха цӀайца даькъаладувц шо. Аьттув хилба шун шоашта хьалхашка латта декхараш кхоачашде!
