ГӏалгӀайчен Росгварди «Мехка сагӀан» доакъашхо я
ГӏалгӀай Республике гӀолла йолча Росгварде урхаллен болхлоша новкъостал дир, хӀара шерара «Мехка сагӀа» дӀахьоча, яхаш, хоам бир «Сердало» газетага цигарча зарбан болх лелабераша.
«Цу тайпара, Урхаллен болхлоша, Наьсарен къаман бӀун викалаша, волонтёрашца цхьана кхачан даараш дӀадийкъар 400 дезала. Царна юкъе бар ЛаьрххӀача тӀема операце доакъашхой гаргара нах, иштта тайп-тайпарча шерашка, шоай балха декхараш кхоачашдеш бейнача росгварде болхлой гаргара нах», - аьлар хоамо.
«Вай тӀема новкъосташта карагӀдаьннар дицдеш бац росгвардейцашха бола викалаш санна, деррига къам а. Оаха баркал оал из болх вӀашагӀбелларашта, даим терко лоаттаярах шоай бейнача новкъостий дезалашта, тӀема гӀулакх леладеш хиннарашта», - аьлар ГӏалгӀай Республике гӀолла йолча Росгварде урхаллен «Беркут-Юг» ОМОНа эпсара А. Беслана.
