Росгвардейцаш баха хилар дешара моттигашка
Наьсарен Росгварде полка даькъ тӀарча ишколе, кхетаче дӀайихьар «Вай дуне терроризм йоацаш» яхача болама чуйоагӀаш. Бераш долча хьаоашалгӀа баьхкар беза хьаьший, цига берашта дукха тамашийна а безаме а хӀамаш дайзар.
«Росгварден тӀема гӀулакх леладераша дийцар берашта, шоай тӀема вахарах лаьца, дӀагойтар царна герз леладара болх, иштта шоай балха тӀа леладеча жӀалена карагӀдоалар а гойтар, хьалхадаьккхар чоалахне хьал эттача мишта хила веза бӀухо. Хьаькъала Денна хетаяь кхетаче дӀахьош, укхаза дакъа лоацаш вар ГӀалгӀайчен Халкъа Гуллама депутат Дарсиганаькъан Мухьмад, Росгвардейцаш, юххьанцарча классашка деша долхача берий дай», - аьлар «Сердало» газетага ГӀалгӀай Республике гӀолла йолча Росгварден урхаллене.
Цу дийнахьа терко ца еш йисанзар, «Малх» яха берий беш а. Шоай хьаьшашта лаьрхӀа зӀамигача бераша, хьехархошца цхьана, концертни программа кийчъяьяр.
