ЖӀакех ловзара говзал гойтар росгвардейцаша

Магасе дӀайихьача жӀакех ловзарах йолча чемпионате, дакъа лоацаш хилар росгвардейцаш. «Сердало» газетага из хоам бир цу моттигера.
«Чемпионат чакхъяллалца лакха говзал гойташ хилар росгвардейцаш. Лакхерча лагӀа тӀа ваьлар укх наькъа полице воккхагӀвола сержант Исаев Рамзан. ШоллагӀа моттиг елар ОМОНа эпсара, полице капитана Г. Адама, кхоалагӀча моттиге хилар СОБРа доакъашхо, полице лейтенант Е. Салима», - йоах тхога бенача хоамо.
Котало дӀайихьар вневедомственни охранас, шоллагӀа, кхоалагӀа моттиг ОМОНа, «Беркут-Юга», «Аьрзи» СОБРа юкъе йийкъар.
«Ше-ше котвала гӀерташ, лакха говзал, начӀал гойташ бокъонаш лораю болхлой. Котбаьннараш дӀахо хила езача йоккхача яхьашка дакъа лоацаш хургба тӀехьа тӀайоагӀача хана», - аьлар Росгварде физически кийчонах болча оагӀон хьалха латтача воккхагӀаволча лейтенанта Темарханаькъан Мухьмада.