Мехка цӀихеза турпалаш бицбац росгвардейцаша
Чоалхане никъ дӀахьош хиннача, мехка цӀихезача турпалий цӀераш дагалоаттаю росгвардейцаша. ТӀема операцена юкъе вахар хаьдача «Беркут-Юг» ОМОНа доакъашхочун Дошхьакълой Адама дезал болча баха хилар укх деношка росгвардейцаш.
«Адама наьнаца, цӀен-наьнаца, берашца ха дӀахьош хилар тхо. Адама сурташ, из тӀавола видеош гойташ, цун вахаре нийсденнача цхьацца хӀамаех дувцаш, безаме ха яьккхар»,- дийцар тха газетага Росгварде оагӀон зарбан болх лелабераша.
«Мел ха дӀаяхарах, воӀ дӀавалара хало дег чура дӀаяргьяц, цун когаметта отталургвац цхьаккха саг. Адама новкъосташа, цунца болх беш хиннараша шоашта могар даьд тха оагӀув хьаллоацаш, из гӀайгӀа тхоца екъаш. Росгвардеца массахана бувзам ба тха, моллагӀа кхетаче хилча, дӀадех тхо цар шоаш болча, укхаза хьабоагӀаш тхоца ха йоаккх.
Деха латтача тха дегашта чӀоагӀа лоархӀаме да из, дика хет, тхоай воӀ цар иштта лоархӀаш, виц ца веш», - дийцар Адама нанас Залинас. «Беркут-Юг» ОМОНа кулгал деча полице полковника Доврбиканаькъан Ӏалихана хьоахадир, Адам визза доттагӀа, денал долаш, эздий саг хиннилга. ЧӀоагӀа дега тоам хулаш, вода из ше везаш, лоархӀаш тӀаэца цун дезал болча.
