Росгвардейцаша дакъа лаьцар «Дегагара дегага» яхача боламе
ГӀалгӀайче гӀолла йолча Росгварде урхаллен доазон тӀа тайп-тайпарча доакъой болхлоша «Дегагара дегага» яха болам дӀабихьар. ТӀема болх лелабераша мах баь варгвоаца новкъостал дир цӀий дӀалуш, яхаш, дийцар «Сердало» газетага цигарча зарбан болх лелабераша.
«Дегагара дегага» яха кхетаче дӀахьу наха юкъе, из хьал доаржадара. ЦӀий дӀателаш дӀабихьар из болх хьалхарча аргӀагӀа. Цу урхаллен болхлоша дӀалаьрхӀача, гуш хилар, Республикански цӀий дӀаийдеш йолча станце 18 литр совгӀа цӀий дӀаденнилга.
«Вайна массанена дика хов, хӀара цӀий дӀадалар - из саг кӀалхарваккхар да, цхьайолча хана цох мара гӀо хилац човнаш яьрашта, могаш боацарашта. Из гӀулакх дӀахьочар аьттув балба шоаш мел лаьрхӀача дикача хӀаман тӀехьа, - аьлар лорий гӀо дара йолча тоабан эпсара, полице йоккхагӀа йолча лейтенанта Матенаькъан Лианас.
