ГӀалгӀайчен росгвардейцаша Лакхерча суда кхетаче дакъа лаьцар
17.07.2024 10:59
ГӀалгӀайчен росгвардейцаш дакъа лоацаш хилар Лакхерча суда йоккхача кхетаче, цига дийцар шин Ӏаьдало беча балхах лаьца. Из хоам «Сердало» газетага бир ГӀалгӀай республике гӀолла йолча Росгварде урхаллен зарбан болх лелабеча Сампенаькъан Салимас.
«Даькъ тӀарча бокъонаш лораерий болх бийцар Магасе хиннача гулламе полице полковника Угурчанаькъан Хьамзата, иштта Суда департаменте, Лакхерча суде кулгал деча балхаш тӀа болча наха. Леладу гӀулакх дика довзаш бар цига шоай балхах лаьца къамаьл деш хиннараш.
Кхетаче дӀахьош, дийцар къаман эскара, Ӏаьдала суда балха моттигашта юкъе бувзам лелабарах. Цул совгӀа, кхерамзлен чӀоагӀо е лаьрхӀар, герз дола нах суда гӀишлонна чу ца бита чӀоагӀдаьд», - аьлар хоамо.
