ЦӀерцарча хатара духьалара шоай кийчо хьагойтар росгвардейцаша
ЦӀерцарча хатара духьалара кийчон болх малагӀча боарам тӀа латт тохкаш, хилар Росгварди. Из хоам тха «Сердалога» бир цигарча къахьегамхоша.
«Тока саьргашцара хӀама харцдаьнна, яьржа цӀи дӀайоаеш хилар Росгварде болхлой МЧС къахьегамхошца. Иштта оттадаьдар из, бокъонца цӀи яьлча де дезар хьагойтар духьа. Эггара хьалхарча аргӀагӀа гӀишлон чура нах арабаьхар цар, цул тӀехьа цӀи йоае эттар»,- йоах хоамо.
Белгалде деза, шоай болх цар лакхача боараме дӀабихьа хилар. «Цхьайолча хатар хиннача моттигашка цӀи йоаеча тоабал хьалхагӀа дӀакхоач Росгварде болхлой, цудухьа эггара хьалха де дезараш довзаш хила беза уж. Цу оагӀонцара шоай кийчо дика йолга хьахайтар цар», - белгалдир цӀерцарча кхерамзлен оагӀонна кулгал деча Росгварде капитана Маценаькъан Рамзана.
