ЦӀаьхха, цӀи яьлча хила езача кийчон болх малагӀча боараме ба гойташ хилар росгвардейцаш
ЦӀаьхха, цӀерцара хатар эттача эггара хьалха де дезар гойташ болча кийчон балха юкъе дакъа лоацаш хилар росгвардейцаш, МЧС болхлой. Из хоам «Сердалога» бир Росгварде оагӀон зарбан болх лелабеча Сампенаькъан Салимас.
«ЦӀи яьннача моттиге эггара хьалхарча аргӀанца кхоачашде дезараш шаьрдир кхетаче. Къаман гварде эскара Наьсарерча полка доазон тӀа дӀабихьар из болх. ЦӀи яьннача моттигера нах мишта арабаха беза, цӀи йоаеча эшаш долча гӀирсашцара болх, хьалхалаттачо кхоачашде дезараш – из деррига хьахьокха дезар доакъашхой», - йоах тхога кхаьчача хоамо.
«Хатар ийккхача моттиге дӀабахьа беза болх боаггӀача боараме шаьрбе вӀаштӀехьадоал иштта дӀакхухьача кхетаченашка», - белгалдир Республикерча Росгварде цӀерцарча кхерамзлен оагӀонна хьалхалаттача капитана Маценаькъан Рамзана.
