Ерригача Россе лоархӀаме болам хьаллоацаш ба росгвардейцаш
Дешархошца кхетачеш дӀакхухьаш, ерригача Россе «Росгварде денош» яхача боламе дакъа лоацаш ба укх деношка мехкара росгвардейцаш. Из хоам «Сердалога» бир цу оагӀон зарбан болх лелабераша.
«ТӀемахоша дӀакхухьача кхетаченашка гӀолла, берашта яйзар цар балхацара кӀоаргаленаш, тахан кхерамзлен хьал лорадеш царна хьалхашка латтача декхарех. ТӀема операцена юкъе болча вай къаман бӀухоша гойтача майралах, турпала гӀулакхех дийцар царна хьаьшаша», - йоах тхогарча хоамо.
«Даьхенцара гӀулакхаш, лерхӀам малагӀча боараме хила беза кхетадеш дола бераш юкъелоацаш дӀайихьар оаха кхетачеш. Росгварде истореца дувзаденнараш довза чам бар царна, иштта доаккхал деш бар лакха денал гойташ латтача мехкахоех», - дийцар тхога республикерча Росгварде «Беркут-Юг» ОМОНА болхло волча А. Беслана.
