«Ловзараш доладалалехь хьалха, Росгварде болхлоша берашта дийцар хӀара дийнахьа еча зарядках, Ӏуйран адарах, спортаца массахана бувзам лоаттабарах дегӀа хулача пайдах. Цул совгӀа, цар белгалдир, унахцӀено лораеш йолча беркатеча оамалаша вахара денош диза лоаттаделга», - йоах хоамо. Шоашта тӀадехкараш сиха чакхдоахаш, чӀоагӀа чам чубенна хьувзар бераш. Яхьаш йистеяьлча; сигален, маьлха, форда сурташ дехкар бераша асфальта тӀа.

Грамоташ екъаш чакхдаьлар из гӀулакх. Росгвардейцашта доккха баркал аьлар, берий дегаш хьастарах. «УнахцӀена долча вахара тӀаозаш хила деза вай, кхувш латта тӀехье. Берий могашал тоаю спорто, воча оамалех лорабу», - белгалдир капитана чин долча Темирханаькъан Мухьмада.