Ишколашка балха хьакъехьара кхетаченаш е лаьрхӀад Росгварде болхлоша
21.04.2025 10:10
Республикерча ишколашка кхетаченаш дӀакхахьа лаьрхӀа ба Росгварде болхлой. Цох лаьца дийцар дешареи Ӏилмани гӀулакхех йолча Министерстве дӀайихьача кхетаче. «Сердалога» из хоам бир Росгварде зарбан болх лелабераша.
«Росгварде оагӀон кулгалхочун гӀонча волча Албетков Андрейс из дош дийцар министерствон хьалха латтача Цхьорой Ахьмад-Башираца. 10-11-ча классашка дешаш долча берашца тӀема вузашка деша оттарах дувцаш, Даьхен доазув лорадеш хилар лоархӀаме долга дийцар кхетаче. Росгварде лакхарча дешара моттигех, цига деша водаш кхоачашде дезарех хьоахадир подполковник волча Албетковс», - йоах тха газетага бенача хоамо.
