Миграционни оагӏонцара бокъонаш телхаяр соцадир Росгварде болхлоша
21.11.2025 11:28
Вай мехка цхьацца бахьанашца хьачубаьхка лелача нахага ӏаьдала бокъонашца оттадаьр лархӏийтара тӏехьа къахьег Росгварде болхлоша. Из хоам «Сердалога» бир цу моттигера.
«Миграционни оагӏонцара бокъонаш телхаяр чакхдалийтанзар СОБРацарча «Арзе» доакъашхоша. РФ доазон тӏа бокъо йоацаш лелаш вола ворхӏ саг дӏалаьцар цар Магасера, Наьсарера», - дийцар тха газетага.
Малагӏча бахьанца уж укхаза кхаьчаб тохкаргда ӏаьдало.
