«Из болам хьаллоацаш, дешархошца кхетаченаш дӀакхухьаш ба росгвардейцаш. Шоай декхараш тӀехдика кхоачашдеш, къаман сий доаккхаш латтача денал долча къонгех дувц цар берашта. ГӀалгӀашта юкъе массахана турпалаш хиннилга хьалхадоаккх цар берашта, турпалаш болаш дӀахобахьа беза вай никъ тахан а», - Салимас.

«Тахан мехка латташ дола хьал теркалдича, берий, кагирхой Даьхенцара безам, лерхӀам чӀоагӀбеш бола болх дӀакхахьар лоархӀаме да. Во де гӀертараш вай истори доаде, ийрчадаккха гӀертача хана, из иштта доацилга белгалдеш дола гӀулакхаш доаржадеш, яхь лораеш, шоай Даьхен истори ма дарра довзаш хила беза кхувш латтараш», - дийцар Росгварде оагӀон кулгалхочун гӀонча волча подполковника Албетков Андрейс.