Эскаре амал де тӏабехарий Денна хетабаь болам хилар моттигерча Росгварде
20.11.2025 09:55
Эскаре тӏабийхарий Денна хетабаь болам дӏахьош хилар мехкарча Росгварде. Из хоам «Сердалога» цигара кхаьчар.
Республикан ишколашкара 100 совгӏа йоккхагӏча классай дешархой, Росгварде къахьегараш бар цига гулбенна. Республикерча Росгварде тӏема-политически балхах волча полковника Албетков Андрейс белгалдир, эскаре бахар кагирхошта мел лоархӏаме да.
РФ къаман гварде дӏахьоча балхах, цу оагӏонцарча вузе деша багӏачар декхарех дийцар гулбеннарашта. Цу моттиге гӏолла экскурси еш, дӏадихьар къамаьл. Росгварди болхлой кхоачам миштаб, иштта уж лела машинаш мишта я бӏаргадайра берашта.
