МГЕРа кулгалхочо шийца цхьан мугӀаре латтараш даькъалабийцар
«ЦаӀ йолча Россе къона гварди» яхача оагӀон кулгалхочо берригача доакъашхой цӀерагӀа даькъалабийцар мехкара бахархой Кагирхой денца. Из хоам «Сердалога» бир цу моттигерча зарбан болх лелабераша.
«Къонал эггара ираз долашагӀа йола ха йолга белгалдеш, доладир Чаненаькъан Исроапила ший къамаьл. Сага ший вахара никъ хоржа, дуккхадараш доашхаш, тохкам бу ха я къонал. Таханарча хьалах дувцаш, Исроапила хьоахадир; кхоллама, спорта, тӀема кийчонах йолча, кхетама хьал тохкача яхьашка белгала болча къонабарий йӀаьхий кхоане хургхилар. Кхетаченашка, семинарашка гӀо деш леларашта юкъе дикка белгалбоалаш дукха кагирхой ба вай», - йоах хоамо.
«Аз чӀоагӀа доаккхал ду вай къонача тӀехьенах! Къаман Ӏадаташ лоархӀаш, таро эшаеннарашта гӀо деш, шайна гонахьа беркате, дика гӀулакхаш доаржадеш, хьайоагӀа из», - аьлар Чаненаькъан Исроапила.
