Кагирхой политикахи туризмахи йолча министерствон кулгалхочо «ТАСС Кавказá» пресс-конференци йир
10.09.2024 14:36
Ший балхаца дувзаденнача лоархӀамеча декхарех дийцар «ТАСС Кавказ» яхача мехкарча хоамий оагӀонца дӀайихьача кхетаче министерствон хьалха латтача Малсаганаькъан Адама.
«Эггара керттерчарех да, кагирхошта аьттув лургбола наькъаш хьаделлар, мехка экономикан хьале лоархӀаме моттиг дӀалоацаш йола туризм йоаржаяр», - аьлар Адама журналистий хаттарашта жоп луш. Белгалде деза, карарча хана республике кагирхой моттиг тоаяра тӀехьа дикка къахьегилга, тайп-тайпара кагирхой кхетаченаш еш боккха болх белга.
Россе кхыча моттигашкарча кагирхошца бувзам лоаттабеш, шоашта ховр дӀа-хьа эцаш, гӀалгӀай къаман кагирхоша дӀагойт, шоаш республиканна, мехкá накъабоалаш баха ловш болга.
