Псковски областе ваха хилар кагирхой туризма Министерствон кулгалхо
22.10.2024 10:14
Россе Турпал, советски лётчик хиннача Оздой Ахьмада Мурада леладаьча тӀема фецарча кемах йиса хӀамаш хьалуча дакъа лоацаш хилар кагирхой политикахи туризмахи йолча Министерствонна кулгалду Малсаганаькъан Адам; «Къона патриот» яхача, кагирхой тӀема декхараш такха Ӏомабеш болча оагӀон кулгалхочун гӀонча Муружанаькъан Мухьмад.
«ТӀема ханех йиса хӀамаш лехача «Пантера лараш» яхача тоабо чӀоагӀа къахьегарах, хи чура кораяьй кемах йиса хӀамаш. Малсаганаькъан Адама белгалдир, фецарча кемах дисар цӀахьоргдола болх боаггӀача боараме вӀаштӀехьабоаккхаргба ше аьнна», - йоах тхога бенача хоамо. Министерствон кулгалхочо теркалдир, воккха турпал хиннача мехкахочо леладаь тӀема фецара кема къаманна чӀоагӀа лоархӀам болаш долга.
