ГӏалгӀайчен миннаца кулгалхо «Коталон цӏермашинага» хьежар
05.03.2025 14:14
Хьалхарчарех цаӀ вар тахан вай республике ена «Коталон Цӏер- машина»-музейга хьажа ваха хинна ГӏалгӀай Республикан арахьарча бувзамий, къаман политикан, зарбан, хоамий Министерствон кулгалхо Мизенаькъан Руслан. Цул тӀехьагӀа, ший телеграм-канале цо шийна хийттачох аьлар.
«Сона, дукхача наха санна, лоархӀаме да цу тайпара проект вай мехка хилар. Шоай хана тӀом ца байнача вай кагирхошта из бӀаргаго йиш хилар, цул совгӀа Даьхе лораеш цига лаьттарий халонаш яйзар, цу юкъе ГӏалгӀайчен бахархой а болаш.
Аз тӀахьех республикан хьаьший, бахархой цу лоархӀамеча исторически гойтамга хьажара», - язду Мизенаькъан Руслана.
