Миннаца кулгалхочо дакъа лаьцар, 2026 шерара хьажол дувцача
Москве, РФ сенатора кулгал деш, РФ Паччахьалкхенна чувоагIача хьажол дара гIулакхах волча Умаханов Ильяса яьржа совещани хилар, 2026 шера хьажол дара бола болх вIашагIболлаш, из дIабахьар дувцаш. Балха дакъа лоацаш хилар къаман политикан министр Мизенаькъан Руслан, аьлар цигарча боахама зарбан болх лелабераша.
Кхетаче дакъа лоацаш хилар РФ Президента Администраце, РФ Паччахьалкхен викалаш, МИД, МВД, РФ ФСБ, РФ экономически дегIакхувлара Министерство, Россе ФАНД, Россе компаней хьажолца дувзаденна бусалба наьха дин гIулакхаш леладераш, иштта Россе хьажол дара балха кулгалхо Асуев Хизбула, лаьрххIа бола туроператораш. Цар техкар керттера хаттараш, хьажол дарца дувзаденна, мехкашта квоташ яларгара дIадоладенна банкашцара халкъашта юкъерча боарама ахчан дIадахьийтарга кхаччалца.
«Хьажол дара болх 2025 шера дика вIашагIбеллабар, цо таро елар дагадоацаш нийслуча, ца довзача хьалех вай хьажол де баха нах лорабе. Со тешаш ва 2026 шера цхьана дIахьош бола болх вайна таро луш хургба, хьажол лакхача боарам тIа дIадахьа», - аьлар Мизенаькъан Руслана.
