ЦӀихезача альпиниста баркал кхайкадир спорта министерствон кулгалхочо
01.07.2024 09:19
Спорта гӀулакхех йолча Министерствон хьалха латтача Белхарой Руслана баркал кхайкадир, цӀихезача альпиниста ГӀуденаькъан Беслана. ХӀанз бархӀазлагӀа Эльбруса тӀа ше валар цо хетадир, вай республика хьакхелла 32 шу дизара. Из хоам «Сердалога» бир спорта оагӀон болхлоша.
«207 Маьтлоам тӀа, 5 Бешлоам тӀа ваьннача Бесланаца кхетаче йир хьакима. Къаьстта чӀоагӀа хоастабир цо; чхараш тӀа, гувнаш тӀа урагӀъухарий федерацен хьалха латташ цо дӀабихьа болх, тахан цу лостамагӀа цо хьегаш дола къа.
Геттара хоза хеташ, тӀаийцар спорта оагӀон кулгалхочо гӀалгӀай паччахьалкхен 100 шу дизара хетадаь Эльбруса тӀабовла кийчлуш хилар. ГӀалгӀай къаман байракх цу лакхе йогӀа лаьрхӀа ба альпинисташ.
