Спорта Министерствон кулгалхо тхэквондох латара фусам хьаеллача вахар
![](http://serdalo.ru/storage/q854FFB7PVJ63lTb4a5fJQpoI32oHJyRBpntkyb7.webp)
Наьсарерча №4 йолча ишколе хьайийллар тхэквондо оалача латара лаьрхӀа йола че, цига эшаш мел бола спорта гӀирс Ӏалашбаьбар, лерттӀа кийчо е таронаш вӀаштӀехьяьхаяр. Из хьаеллача ваха хилар ГӀалгӀай Республикан физически культуран, спорта министр Белхарой Руслан, шийца паччахьалкхен хьалхара вице-премьер Йовлой Мухьмад а волаш, яхаш, дийцар «Сердало» газетага спорта Министерствос.
«Белхарой Руслана яхачох, тхэквондо олимпийски спорта дакъа лоархӀаш да. Цу тайпара моттиг хьаяр -республикан спорт дегӀайоалаеча баьккха лоархӀаме гӀа ба. ХӀанзчул тӀехьагӀа дикача хьалашка шоай спорта кийчо е йиш йолаш хургба спортсменаш.
Безам барашта, лерттӀа спортсменаш хинна из говзал каралаца лерхӀарашта, таронаш йолаш я, цо уж мехка вӀашагӀтехача тоабанна чубоагӀаш бергба», - аьлар хоамо.