ГӀишлошъяра Министерствон кулгалхо Южне хьалъеча ишколага хьежар
11.09.2024 21:17
ГӏалгӀайчен гӀишлошъяра Министерствон кулгалхо Иленаькъан Муса вахар, МагӀалбика кхален Южне 320 моттиг йола ишкол хьалъеча. Иштта чӀоагӀа эшаш йола ишкол укхаза хьалъе болабелар, дӀадахача шера тушола бетта.
«Иленаькъан Муса хьежар гӀишлон хьалашка, болх беш боахкачар викалашца дийцар из гӀишло йистеяккхара дош.
Иштта хьежар хьабаьча балха дикалга, эшаш а хила безача а боараме болх баьбий. Кхозза вӀаштӀара яь гӀишло 80% кхоачаш йистеяьннай. Кораш-наӀараш дӀаоттадаьд, йӀовхал чуйиллай, хий чухьнахьа дӀачудаьккхад. Из иштта хьежар гӀишлон майданга, цо дика мах оттабир баьча балха», - аьлар «Сердало» газетага ГӏалгӀайчен гӀишлошъяра Министерстве.
Ишкол республикан гӀишлошъяра Министерствон заказах еш я.
