МВД кулгалхочо нах тӀаийцар
09.12.2024 14:32
Магас-Шахьара администраце цӀагӀа, ГӏалгӀай Республике гӀолла йолча Россе МВД министра, инарал-лейтенанта Коробкин Михаила нах тӀаийцар. Из хоам «Сердало» газетага бир мехка бокъонаш лараераша.
«Михаил Владимировича ладийгӀар наьха хаттарашка, хӀаранеца дийцар цар дехарех, тӀаденача дешаех лаьца», - аьлар хоамо.
Наха дагадоахкаш дар тайп-тайпара хаттараш, цу юкъе дар полице деша отташ хиларца дувзаденнараш, МВД пенсионерашта социальни ахчаш хьадаларах, паччахьалкхен сертификаташца дувзаденнараш. Хӏара сага тӀаденача хаттара жоп делар.
Инарал-лейтенанта тӀадиллар, МВД чудоагӀача доакъой кулгалхошта, уж хаттараш кхоачашдара новкъостал де а царна тӀахьажа а, аьнна.
